un sit per imparar un poo de lengua lombarda
Crema de 'na volta... a’l dé mercad (Annibale Carniti, video de Emilio Marchesi)
Ricorde, Crema cara, i temp passads
quand le piaze le gˈhiva i so mercads :
saludave i lavander in su le rive,
corrive a’l moviment de le to vie.
Passave fora tœts in su i spassets :
su ˈl Vial trotava i cavai sota i carrets
dei contadin qe vigniva del circondare
per far scorta de somenze o per afare.
cond i cavagnoi a’l braç e cond le sporte,
E quante done passava de le porte
le ‘ndava in su ‘l mercad a vender i poi
e dopo le ge fava la spesa ai fioi.
risente el son joios dei verticai,
De sora del ciinciell e del viavai
de Mellini qe al circava su i dex gei
e “Va-a-lavora” ‘n vers i Cantoncei
conossents i se ciamava con tant calor,
In mez a tanta festa e tant folclor
i se saludava ind una tal manera
qe i se tegniva la man e i ‘ndava in Ciodera.
Me lassave trasportar ind la contrada
quante belle sensazion per la to Via
piena de jent fressosa e indafarada,
prœfumada de pan fresc e drogeria !
Arent a la Cort Granda e a’l Poz Vecc
e al baiocament dei stracer e limoner
g’era ‘n orodin de foiol e salamets,
fava “coro” e rispondiva i cradiger.
Passave le Quatre Vie e ‘l rebelot
Piaza del Dom de la mè Crema cara,
e andave dentre volentera a’l bell salot :
co’ la so storia prestijosa e rara !
Me par de veder anc’mò el pitor Baqeta
‘mpegnad a dar-g forma a la Strenceta,
“Castegna-amara” a infilzar su i mociets.
e in su la piaza, cond un bastonet
E ‘ndave, ‘ndave per le vie e vicolets
in cerca de Macall e de Pellet :
cantava i opere per Crema e a l’ostarea.
i divertiva cond la so filosofea,
In Piaza dei Poi, vixin ai Capellets,
rivede anc’mò San Piero e ‘l so campanilet,
al passava cond le cavrete in riva a’l Rin.
e el professor Perseg, cond sota sea el violin
Sonava le ciiribare, corrive a’l pais car,
saltave magazin de giera e paracarr,
e me voltave per saludar le Mura
qe parla anc’mò de gloria e de sventura.