L'arbor l'è cressud (Lissander Brasca)

L'arbor l'è cressud
e al quata el to pojœl
dovè bionds i fioriva

i to dexdot ann apena;
mi ge sbignavi timid

de l'ombria d'un porton
dei mè dexdot ann apena.

E el vent de l'istaa

l'ha ornad e to restell

de bisie e de marene,

de farfer e frambose;

te senti qe ta ridet

ind el mœd to plussee bell

e ta parlet a le to rœse.

Pœ al rivarà l'autugn

e comè una man qe la tœi via

i cavei denanz i mè œgg

al trarà via tute le fœie;

pœ al rivarà l'autugn

e dent el sol de la strada
passa la pomagrana la luxarà.